منتديات عالم الابداع

اينـــــــ,,,,ــما يكونــــــ الابداع ــــــــ نحــــــ نكــــ,,,,ـــون ـــــن


مواقف مضحكه جدا ونكت غريبه شوي موت تفضل

شاطر
avatar
زائر
زائر

مواقف مضحكه جدا ونكت غريبه شوي موت تفضل

مُساهمة من طرف زائر في 2007-09-16, 22:45

مواقف مضحكه جدا ونكت غريبه شوى موت تفضل Embarassed


السلام عليكم:


واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !!




--------------------------------------------------------------------------------

وحده جاب زوجها تمر وجلس يأكلها واستحت من رجلها تطلع النواه قدامه .. قامت تبلع فيها وهو يعطيها تمر وهي تبلع (خبله) وبعدين ودوها المستشفى



--------------------------------------------------------------------------------

وحده جا خطيبها يشوفها وطبعا هي بتموت من الحيا . المهم دخلت عليه وابوها كان موجود الا شويه ودخل خالها وبعدين عمها وبعد شوي يدخلون اخوانها كلهم وصار المجلس مليان ناس( وطبعا كلهم عيونهم عليها)
ومن يوم شافتهم كان بيغمى عليها . فكرت تطلع. راحت للباب ولقته مقفل ( مقفلته امها علشان ماتطلع)
طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله)


المهم ظلت واقفه شوي لما استوعبت انه في باب ثاني راحت تركض له تبي تطلع وبعد كم خطوه الا هيلا هوب وتطيح
طبعا هذي اللحظه البنت كان بيغمى عليها من الحيا وبس وصلت للباب واخيرا طلعت وهي تسمع ضحكات الشباب في المجلس عليها




--------------------------------------------------------------------------------

وحده جات بتخطب صديقتها لاخوها . عزمتها في بيتهم وقال لاخوها طل عليها من النافذه وشفها اذا عجبتك نخطبها لك . وافق الولد ولما جات البنت قدمت الاخت لصديقتها شكولاته . والبنت معيا تاخذ وذيك تلزم عليها. والبنت مصره ماتاخذ . ولما طلعت علشان تسأل اخوها عن رايها في البنت .

الاخو شاف البنت وهي تاخذ من الشكولاته وتخش في شنطتها ولما سألته اخته عن رايه قال موافق على طول . وتم الزواج وفي ليلة العرس يسأل الزوج البنت : وين الشكولاته اللي خذيتيها من بيتنا؟؟ ( مايرضى احد ياخذ من بيتهم شي بدون مايستاذن .. حمش)



--------------------------------------------------------------------------------



هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير ..




--------------------------------------------------------------------------------

ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لتس لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) . قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع



متواجد
avatar
admin
إدارة المنتدي
إدارة المنتدي

ذكر عدد الرسائل : 535
العمر : 26
العمل : طالب
رقم العضوية : 1
البلد :
احترام قوانين المنتدى: :
الأوسمة :
السٌّمعَة : 0
نقاط : 15
تاريخ التسجيل : 17/06/2007

رد: مواقف مضحكه جدا ونكت غريبه شوي موت تفضل

مُساهمة من طرف admin في 2007-09-17, 13:05

ههههههههه
نكت جميلة ومضحكة حقا


_________________
avatar
زائر
زائر

رد: مواقف مضحكه جدا ونكت غريبه شوي موت تفضل

مُساهمة من طرف زائر في 2007-09-17, 15:37

بسم الله الرحمن الرحيم
السلام عليكم و رحمة الله و بركاته
شكرا لك أختي الكريمة على موضوعك
وأتمنى أن تستمري بهذا المجهود
و تبقي على إتصال دائم بمنتدانا منتدى عالم الإبداع
منتدى كل الإسلاميين
و الله ولى التوفيق
Harry-potter
avatar
زائر
زائر

رد: مواقف مضحكه جدا ونكت غريبه شوي موت تفضل

مُساهمة من طرف زائر في 2007-11-15, 08:40

ههههههههههههههههه
اوووووووووووووه نكت روووووعة
مشكوووووووورة يا غالية
أنا اليوم فايع ع النكت لأني متدايق وبدكم تستحملوني .
اذا كانت دحكتي تقيلة شويا ولا كتيرا كتيييير .
avatar
زائر
زائر

رد: مواقف مضحكه جدا ونكت غريبه شوي موت تفضل

مُساهمة من طرف زائر في 2008-06-05, 15:56

شكرا
جزاك الله خيراً

    الوقت/التاريخ الآن هو 2018-11-13, 04:22